"Roma" yarim himoyachisi Lorenso Pellegrini klub bilan shartnomasini uzaytiradi. Bu haqida insayder Nikolo Skira xabar bermoqda.
Manbaning xabariga ko‘ra, rimliklar rahbariyati 25 yoshli italiyalik futbolchiga yana bir yilga uzaytirish sharti bilan 2025 yilgacha shartnoma taklif qilgan.
Futbolchining maoshi bonuslar bilan qo‘shib hisoblaganda, 3 million yevroni tashkil qiladi.
Eslatib o‘tamiz, o‘tgan mavsumda Pellegrini "Roma" tarkibida 47 ta o‘yinda maydonga tushib, 11 ta gol va 10 ta golli uzatmani amalga oshirgan.