"Рома" ярим ҳимоячиси Лоренцо Пеллегрини клуб билан шартномасини узайтиради. Бу ҳақида инсайдер Николо Скира хабар бермоқда.
Манбанинг хабарига кўра, римликлар раҳбарияти 25 ёшли италиялик футболчига яна бир йилга узайтириш шарти билан 2025 йилгача шартнома таклиф қилган.
Футболчининг маоши бонуслар билан қўшиб ҳисоблаганда, 3 миллион еврони ташкил қилади.
Эслатиб ўтамиз, ўтган мавсумда Пеллегрини "Рома" таркибида 47 та ўйинда майдонга тушиб, 11 та гол ва 10 та голли узатмани амалга оширган.