«PSJ» bilan shartnoma imzolagan Messi yangi jamoasida 30-raqamli futbolkada o‘ynaydigan bo‘ldi. U 2003 yilda "Barsa"dagi faoliyatini ushbu raqamda boshlagan edi.
Fransiya chempionati reglamentiga ko‘ra, 30-raqam darvozabonlarga ajratilgan bo‘lib, qoidada quyidagicha yozilgan:
«Birinchi jamoada o‘ynaydigan futbolchilar butun mavsumga raqam olishadi. Birinchi jamoa o‘yinchilari 30tadan oshib ketmasligini kerak. Shu bois, futbolkada raqamlar 1dan 30gacha bo‘lishi mumkin. 1, 16 va 30-raqamlar faqat darvozabonlar uchun ajratilgan. Nihoyatda zaruriyat tug‘ilganda, darvozabon 40-raqamni olishi mumkin. Agar klub professional shartnoma orqali 30dan ortiq futbolchiga ega bo‘lishga zarurat tug‘ilganini asoslab bersa, maxsus komissiya raqamlar borasida istisno qilishi mumkin».
Reglament tufayli Janluidji Donnarumma o‘zining sevimli 99-raqamidan voz kechib, 50-raqamni olishga majbur bo‘ldi (darvozabonlarga tegishli boshqa raqamlar band edi).
Messi kelgunga qadar «PSJ»da 30-raqam 30 yoshli darvozabon Aleksandr Letelyega tegishli bo‘lib, u klub safida birorta ham rasmiy o‘yinda ishtirok etmagan edi. U "Pari Sen-Jermen" tarbiyalanuvchisi bo‘lsa-da, 2020 yilda «Orleana» (Liga 2) klubidan Parijga ko‘chib o‘tgan edi. U klubning Navas, Donnarumma va Serxio Rikodan keyingi to‘rtinchi darvozaboni maqomida edi.
«PSJ» Fransiya professional futbol ligasini Messi uchun istisno qilishga ko‘ndirdi. Letelye esa bunga qarshi bo‘lmadi.
