"Chelsi" himoyachisi Davide Zappakosta jamoani o‘zgartirishi mumkin. Bu haqida jurnalist Nikolo Skira xabar qilmoqda.

Manba bergan xabarga ko‘ra, 29 yoshli italiyalik uchun "Atalanta" va "Fiorentina" kurashmoqda. Ma’lum bo‘lishicha, futbolchining o‘zi faoliyatini Italiya chempionatida davom ettirmoqchi.

2020/21 yilgi mavsumda Zappakosta "Jenoa"da ijara asosida o‘ynagan. U jamoa safida 25 ta o‘yinda maydonga tushib, 4 ta gol va 2 ta golli uzatmani amalga oshirgan. Transfermarket sayti futbolchining qiymatini 8 million yevroga baholamoqda.