«Chelsi» darvozabonlari Kepa Arrizabalaga hamda Edvard Mendi UEFA Superkubogi o‘yinidan so‘ng, o‘z fikrlari bilan o‘rtoqlashdi. O‘yin haqida Kepa shunday deydi:
«Bu doimgidek ahvol emasdi. Men o‘yindagi hamma jarayonga tayyor edim. Chunki bu sodir bo‘lishi mumkinligini bilar edim. Shu sabab men jismonan va ruhan penaltilar seriyasi uchun tayyor holatga keldim. Mendi o‘yin davomida ajoyib harakat qildi va ko‘p seyvlar ijro etdi. Bu juda og‘ir o‘yin edi. Raqib o‘ta murakkab. Shunday bo‘lsa ham biz g‘alabaga erishdik va bundan hursandmiz. Butun jamoa tirishqoqlik bilan harakat qildi, natijada biz medal hamda kubokka ega chiqdik».
Mendi ham o‘z firklarini bildirib o‘tdi: «Biz aynan mana shu muvaffaqiyat uchun harakat qildik. Men Kepani qanday imkoniyatlarga ega darvozabon ekanini juda yaxshi bilaman. O‘ylaymanki, bugungi sovrinni bizga u yutib berdi. Men Kepa bilan faxrlanaman. Umuman olganda barchamiz birgalikda harakat qildik, g‘alabani ham barchamiz birga nishonlaymiz».
Ma’lumot uchun, «aristokratlar» APLning ilk uchrashuvini 14 avgust kuni o‘z uyida «Kristal Pelas»ga qarshi o‘tkazadi.
