"Arsenal" bosh murabbiyi Mikel Arteta jamoaning Premyer-ligadagi muvaffaqiyatsiz starti haqida gapirdi. Birinchi turda "kanonirlar" musobaqaning yangi klubi "Brenford"ga imkoniyatni boy berdi (0:2).
"Men juda hafsalam pir bo‘ldi. Biz yangi mavsumni bunday boshlashni xohlamadik, lekin tan olishimiz kerakki, "Arsenal" bu kurashda g‘alabaga loyiq emas edi. Hujumkor o‘yinimizdan qoniqmadim. Futbolchilar ko‘p bor raqib darvozasiga yaqinlashishdi, lekin vaziyat yaratishmadi, havfli zarbalar bo‘lmadi. Agar siz darvozani nishonga olmasangiz, siz g‘alaba qozona olmaysiz ",- deya ispaniyalik murabbiyning so‘zlarini keltiradi Sky Sports nashri.
Eslatib o‘tamiz, ikkinchi turda "Arsenal" o‘z maydonida "Chelsi"ni qabul qiladi. O‘yin 22 avgust kuni bo‘lib o‘tadi.
