"Fiorentina" hujumchisi Dushan Vlahovich faoliyatini "Tottenxem"da davom ettirishi mumkin, deya xabar beradi Tuttomercatoweb. Ma’lum bo‘lishicha, London klubi futbolchi uchun kurashda favorit hisoblanadi.

Avvalroq, "Atletiko" ham serbiyalikka da’vo qilgandi, ammo madridliklar "Gerta" hujumchisi Matuyes Kunyuga e’tibor qaratishdi. Manbaga ko‘ra, "Tottenxem" hujumchi uchun 60 million yevro taklif qilishga tayyor, bu "Fiorentina"ga mos kelishi mumkin.

Eslatib o‘tamiz, Vlahovich 2018 yilda "Partizan"dan ikki million yevroga transfer qilib, Italiya klubi futbolchisiga aylandi. Bu mavsumda u Italiya kubogida bitta o‘yin o‘tkazdi va unda ikkita gol urdi.