"Фиорентина" ҳужумчиси Душан Влаҳович фаолиятини "Тоттенхэм"да давом эттириши мумкин, дея хабар беради Tuttomercatoweb. Маълум бўлишича, Лондон клуби футболчи учун курашда фаворит ҳисобланади.
Аввалроқ, "Атлетико" ҳам сербияликка даъво қилганди, аммо мадридликлар "Герта" ҳужумчиси Матуес Куньюга эътибор қаратишди. Манбага кўра, "Тоттенхэм" ҳужумчи учун 60 миллион евро таклиф қилишга тайёр, бу "Фиорентина"га мос келиши мумкин.
Эслатиб ўтамиз, Влаҳович 2018 йилда "Партизан"дан икки миллион еврога трансфер қилиб, Италия клуби футболчисига айланди. Бу мавсумда у Италия кубогида битта ўйин ўтказди ва унда иккита гол урди.
