«Real» hujumchisi Luka Yovich «Inter»ga o‘tishi mumkin, deb xabar beradi Mundo Deportivo. Ma’lum bo‘lishicha, tomonlar futbolchining ijarasi borasida muzokaralar olib borishmoqda.
Madrid klubi hujumchiga ishonmaydi va uni boshqa klubga qo‘yib yuborishga tayyor. «Inter» ketayotgan Romel Lukakuning o‘rniga hujumchi qidirmoqda va 2021/22 yilgi mavsum uchun serbni ijaraga berishga tayyor.
Eslatib o‘tamiz, Yovich 2019 yilda «Ayntraxt»dan 63 million yevro evaziga «Real»ga ko‘chib o‘tgandi, ammo «qaymoqranglilar»ning asosiy tarkibidan joy ololmagan.
Uning Madrid klubi bilan shartnomasi 2025 yilning o‘rtalariga qadar amal qiladi. Bundan oldinroq, «Inter» erkin agent sifatida «Roma»dan Edin Jeko transferini e’lon qilgan edi.
