«Barselona» prezidenti Joan Laporta klubning sobiq rahbari Jozep Bartomeuni  tanqid qildi. Avvalroq Bartomeu Laportaga xat yo‘llab, uning ishidagi 10ta kamchilikni ta’kidlab o‘tgandi.

«Ettinchi bandda raqobatbardosh jamoani tuzish maqsadida o‘yinchilarning maoshi oshirilgani yozilgan.

Lekin haqiqat shuki, klubning sport siyosati halokatli ahvolda bo‘lgan. Neymarning transferidan tushgan 222 million yevro aqlsizlarcha va yorug‘lik tezligida sarf qilib yuborilgan.

Bu esa maoshlar va amortizasiyaga ta’sir qilgan. Hozir esa bunday ahvolga tushib o‘tiribmiz. Hamma gap sport siyosatida. Jamoaning rivojlanish modelini o‘zgartirib, akademiya tarbiyalanuvchilariga ishonish kerak edi», – dedi Laporta.