«Napoli» yangi chap qanot himoyachisini sotib olish niyatida. Neapolliklarning tanlovi «Vilyarreal» vakili Pervis Estupinyanga tushgan.
Taniqli italiyalik jurnalist Janluka di Marsioning so‘zlariga ko‘ra, «Napoli» rahbariyati ekvadorlik futbolchining transferi bo‘yicha muzokaralar jarayonini boshlab yuborgan.
Manba ishontiradiki, 23 yoshli Estupinyan hozirgi transfer oynasida klubning asosiy maqsadi hisoblanadi.
Transfermarkt portali himoyachini 15 million yevroga baholamoqda. O‘tgan mavsumda futbolchi tajribali Alberto Moreno va Alfonso Pedrasani raqobatda yutishga muvaffaq bo‘ldi.
