«Наполи» янги чап қанот ҳимоячисини сотиб олиш ниятида. Неаполликларнинг танлови «Вильярреал» вакили Первис Эступиньянга тушган.
Таниқли италиялик журналист Жанлука ди Марционинг сўзларига кўра, «Наполи» раҳбарияти эквадорлик футболчининг трансфери бўйича музокаралар жараёнини бошлаб юборган.
Манба ишонтирадики, 23 ёшли Эступиньян ҳозирги трансфер ойнасида клубнинг асосий мақсади ҳисобланади.
Transfermarkt портали ҳимоячини 15 миллион еврога баҳоламоқда. Ўтган мавсумда футболчи тажрибали Алберто Морено ва Алфонсо Педрасани рақобатда ютишга муваффақ бўлди.
