Kataloniyaning "Barselona" klubi rahbariyati hujumkor yarim himoyachi Filippe Koutinyoga oxirgi imkoniyatni berishga tayyor.
Mundo Deportivo nashri xabariga ko‘ra, Lionel Messining ketishi va jamoadagi bir qancha futbolchilarning maoshi kamayganidan so‘ng, katalaloniyaliklar uchun braziliyalik pleymeykerni sotish kerak bo‘lmay qoldi.
Koutinyo jamoaning kelajakdagi muvaffaqiyatida muhim rol o‘ynashi uchun hamma narsaga ega. Bundan tashqari, Ronald Kuman Ilaysh Moribaning ketishi ehtimoli
tufayli braziliyalikni yo‘qotishni xohlamayapti.
Manbaning ta’kidlashicha, "Barsa" rahbarlari hatto Koutinyoga 13 yil davomida Messiga tegishli bo‘lgan 10-raqamni olishni taklif qilishgan.
