«Yuventus» klubi Braziliyaning «Santos» jamoasidan Kayo Xorxe transferini yakunladi. «Goal» nashrining xabar berishicha, Turin klubi 19 yoshli hujumchini atigi 3 million yevroga xarid qilgan.

U o‘tgan mavsumda Braziliya chempionatida porlaganidan so‘ng, Italiya giganti e’tiboriga tushgan edi. «Yuve» 3 millionning yarimini keyingi, 2022 yil o‘rtasiga qadar to‘laydigan bo‘ldi.

Shuningdek, shartnomada 1 million yevro  bonuslar uchun ham ajratilishi belgilangan. Qolaversa, «Santos» futbolchisining kelajakdagi  ehtimoliy transferidan tushadigan mablag‘ning 5 foizini qabul qiladi.