«Ювентус» клуби Бразилиянинг «Сантос» жамоасидан Каё Хорхе трансферини якунлади. «Goal» нашрининг хабар беришича, Турин клуби 19 ёшли ҳужумчини атиги 3 миллион еврога харид қилган.
У ўтган мавсумда Бразилия чемпионатида порлаганидан сўнг, Италия гиганти эътиборига тушган эди. «Юве» 3 миллионнинг яримини кейинги, 2022 йил ўртасига қадар тўлайдиган бўлди.
Шунингдек, шартномада 1 миллион евро бонуслар учун ҳам ажратилиши белгиланган. Қолаверса, «Сантос» футболчисининг келажакдаги эҳтимолий трансферидан тушадиган маблағнинг 5 фоизини қабул қилади.
