Londonning «Chelsi» klubi hujumchisi Timo Verner muxlislarga murojaat qildi. Nemis futbolchisi muxlislarga qo‘llab-quvvatlaganliklari uchun minnatdorchilik bildirdi.
«Qo‘llab-quvvatlaganingiz uchun katta rahmat. Men buni albatta qadrlayman» - deb yozadi futbolchi tvitterdagi sahifasida.
Ma’lumot uchun, kecha London klubi jamoa muxlislari ishtirokida ochiq mashg‘ulot o‘tkazgandi. Tomoshabinlardan biri Vernerni «Chelsi»dan chetlatishni talab qildi.
Stadiondagi boshqa muxlislar esa uning pozisiyasini qo‘llab-quvvatlamadilar va qattiq g‘azablanishdi.
Timo o‘tgan yilning yozida «aristokratlar» safiga kelib qo‘shilgan edi. Hujumchi Premyer-liganing so‘nggi mavsumida atigi oltita gol urdi xolos.
