Лондоннинг «Челси» клуби ҳужумчиси Тимо Вернер мухлисларга мурожаат қилди. Немис футболчиси мухлисларга қўллаб-қувватлаганликлари учун миннатдорчилик билдирди.

«Қўллаб-қувватлаганингиз учун катта раҳмат. Мен буни албатта қадрлайман» - деб ёзади футболчи твиттердаги саҳифасида.

Маълумот учун, кеча Лондон клуби жамоа мухлислари иштирокида очиқ машғулот ўтказганди. Томошабинлардан бири Вернерни «Челси»дан четлатишни талаб қилди.

Стадиондаги бошқа мухлислар эса унинг позициясини қўллаб-қувватламадилар ва қаттиқ ғазабланишди.

Тимо ўтган йилнинг ёзида «аристократлар» сафига келиб қўшилган эди. Ҳужумчи Премьер-лиганинг сўнгги мавсумида атиги олтита гол урди холос.