"Fiorentina" prezidenti Rokko Komisso hujumchi Federiko Kyezaning "Yuventus"ga o‘tishi haqida gapirdi. Komissoning so‘zlariga ko‘ra, turinliklar hujumchini florensiyaliklardan "o‘g‘irlagan".
“Yuventus“ Kyezani qanday sotib oldi? Ular futbolchini pulga ko‘mib o‘g‘irlashgan. Biz bilan "Yuventus" o‘rtasida katta farq bor. Qancha ko‘p daromad bo‘lsa, shuncha ko‘p pul sarflashingiz mumkin. "Yuventus" Italiya chempionatining favoriti, chunki ular bir yillik maoshlarga 300 million, biz esa 70 million yevro sarflaymiz.
"Yuventus", "Barselona" va "Inter" kabi klublar o‘z kreditlari bilan iflos biznes bilan shug‘ullanmoqda», – deya Komissodan iqtibos keltiradi Football Italia.
Eslatib o‘tamiz, Kyeza bir mavsumni "Yuventus"da o‘tkazib ulgurdi. Bu vaqt ichida forvard 43 uchrashuvda qatnashdi va 14 gol urib, 10 golli uzatmani amalga oshirdi.