Argentinaning «River Pleyt» klubi futbolchisi Fabrisio Angileri Yevropaning bir nechta klublari qiziqishlariga sabab bo‘lmoqda. «TNT Sports» kanali xabariga ko‘ra, Ispaniyaning «Selta Vigo», Italiyaning «Lasio» hamda Fransiyaning «Marsel» klublari 27 yoshli himoyachi xizmatlariga ehtiyoj sezgan.

Xabarda aytilishicha, agar futbolchi uchun yaxshi taklif bo‘lsa, klub transferlar oynasi yakunidan ilgari uni qo‘yib yuborishga tayyorligini bildirgan. Angileri Argentina giganti safida 62 ta uchrashuv o‘tkazgan bo‘lib, bu davrda 4 ta gol hamda 12 ta assistga mualliflik qilishga ulgurgan.