Аргентинанинг «Ривер Плейт» клуби футболчиси Фабрицио Ангилери Европанинг бир нечта клублари қизиқишларига сабаб бўлмоқда. «TNT Sports» канали хабарига кўра, Испаниянинг «Селта Виго», Италиянинг «Лацио» ҳамда Франциянинг «Марсел» клублари 27 ёшли ҳимоячи хизматларига эҳтиёж сезган.

Хабарда айтилишича, агар футболчи учун яхши таклиф бўлса, клуб трансферлар ойнаси якунидан илгари уни қўйиб юборишга тайёрлигини билдирган. Ангилери Аргентина гиганти сафида 62 та учрашув ўтказган бўлиб, бу даврда 4 та гол ҳамда 12 та ассистга муаллифлик қилишга улгурган.