Kataloniyaning "Barselona" klubi futbolchisi Memfis Depay Joze Mourinyo uni qanday e’tiborsiz qoldirganini esladi. Avvallari ikkalasi ham ingliz "Manchester Yunayted" jamoasida ishlagan.

"Mourinyo meni tarkibga qo‘shish haqida o‘ylamagan ham. Menga hech qanday imkoniyat
bermadi. Zlatan va Pogba mendan nega o‘ynamasligimni so‘rashdi va menda javob beradigan hech narsa yo‘q edi. Bu holatni qabul qilish qiyin edi. O‘zim hech narsani tushunmadim, hatto sheriklarim ham. Keyin ketishga qaror qildim. Katta klubda bo‘lish juda yaxshi, lekin faqat mashg‘ulotlar uchungina emas. Men Manchesterda o‘zimni qulay his qilmadim va boshqa jamoaga ketdim", dedi Memfis El Periodico nashriga.