«Sautgempton» klubi «Torino» futbolchisi Lyonko bilan shartnoma imzolaydi. Xabarlarga ko‘ra, APL vakili Turin klubi markaziy himoyachisi bilan uzoq yilga mo‘ljallangan shartnoma imzolashga yaqin turibdi.

Bitim 7,5 million funt qiymatga ega bo‘ladi. «Torino» futbolchisi uchun 8 million talab qilgan, ammo futbolchi jamoadan ketishni istagani uchun joriy taklifga rozilik bildirgan.

Sautgemptonliklar o‘z futbolchisi Yanik Vestergaard o‘rniga Lyonkoni olib kelmoqda. Klub uni «Lester»ga 15 million funtga sotgan edi.