"Liverpul" ustozi Yurgen Klopp YECHL qur’a tashlash marosimidan keyin guruhdagi raqiblari haqida gapirib o‘tdi. U klub mashg‘ulotlar maydonida fikr bildira turib shunday deydi:
"Men buni eshitganimda kluib yubordim, to‘g‘risi ancha vaqt o‘zimni kulgidan to‘xtata olmadim. Chunki haqiqatdan ham juda murakkab guruhdan joy oldik. Nima ham derdim, bu Chempionlar ligasi va nima bo‘lishidan qat’iy nazar bu yerda o‘zingiz uchun osonroq raqib kuta olmaysiz. Bu yerda Yevropaning eng yaxshi jamoalari to‘p surishadi. Ulardan bir nechtasi esa bizning guruhimizda. Biz "Portu" bilan, qolaversa "Atletiko" bilan ham hisoblashib ko‘rganmiz. "Milan"ning ham buyuk tarixi bor va xavfli jamoalar sirasiga kiradi. Men muxlislarimiz kabi ular bilan maydonda bellashishni sabrsizlik bilan kutib qolaman".
