"Ливерпуль" устози Юрген Клопп ЕЧЛ қуръа ташлаш маросимидан кейин гуруҳдаги рақиблари ҳақида гапириб ўтди. У клуб машғулотлар майдонида фикр билдира туриб шундай дейди:
"Мен буни эшитганимда клуиб юбордим, тўғриси анча вақт ўзимни кулгидан тўхтата олмадим. Чунки ҳақиқатдан ҳам жуда мураккаб гуруҳдан жой олдик. Нима ҳам дердим, бу Чемпионлар лигаси ва нима бўлишидан қатъий назар бу ерда ўзингиз учун осонроқ рақиб кута олмайсиз. Бу ерда Европанинг энг яхши жамоалари тўп суришади. Улардан бир нечтаси эса бизнинг гуруҳимизда. Биз "Порту" билан, қолаверса "Атлетико" билан ҳам ҳисоблашиб кўрганмиз. "Милан"нинг ҳам буюк тарихи бор ва хавфли жамоалар сирасига киради. Мен мухлисларимиз каби улар билан майдонда беллашишни сабрсизлик билан кутиб қоламан".
