"Ayntraxt" yarim himoyachisi Filipp Kostich "Lasio"ga o‘tishga yaqin, deya xabar beradi jurnalist Nikolo Skira. Manbaga ko‘ra, rim klubi 28 yoshli serbni sotib olish imkoniyati bilan ijaraga olishga tayyor. Ma’lum bo‘lishicha, "Lasio" futbolchi bilan 2025-yilgacha maoshi 2 million yevro bo‘lgan shaxsiy shartnomasini kelishib olgan.
O‘tgan mavsumda Kostich Bundesligada 30 ta o‘yinda maydonga tushib, 4 ta gol va 17 ta golli
uzatmani amalga oshirdi. Transfermarkt portali futbolchining qiymatini 35 million yevroga
baholamoqda.
