Tokiodan xushxabarlar kelishi davom etadi. Bundan biroz avval para yengil atletikaning F12 klassida ayollar o‘rtasida yadro uloqtirish bo‘yicha final bahslari yakunlandi.

Unda ishtirok etgan hamyurtimiz Safiya Burxanova 14.78 metr natija bilan oltin medalni qo‘lga kiritdi. Ta’kidlash kerakki, bu mavsumdagi eng yaxshi natija sifatida ham qayd etildi.

Eslatib o‘tamiz, Safiya Burxanova Rio-2016 yozgi Paralimpiya o‘yinlarida kumush medalini qo‘lga kiritgan edi. Braziliyadagi paralimpiadada chempionlikni qo‘lga kiritgan italiyalik Assunta Legnante bu safar kumush medal bilan cheklandi (14,62 m.). Meksikalik Rebeka Alvares Rio-2016da bo‘lgani kabi bu safar bronza medaliga ega chiqdi.

Shu tariqa, delegasiyamiz hisobidagi medallar soni 17 taga yetdi: 7 ta oltin, 4 ta kumush va 6 ta bronza.