Hozirgina Tokiodagi paralimpiadada taekvondo bo‘yicha 58 kg. vazn toifasiga bo‘lgan ayollar o‘rtasida (K44 tasnifi) final jangi bo‘lib o‘tdi. Unda o‘zbekistonlik sportchi Guljonoy Naimova braziliyalik Debora Bezerra de Menezesga qarshi dayanga chiqdi.

Kun davomida raqiblarini yirik hisobda mag‘lub etgan taekvondochilar oltin medal uchun jangda ehtiyotkor taktika tanlashdi. Dastlabki bo‘limdan so‘ng Naimova 4:0 hisobida oldinga o‘tib oldi. Ikkinchi ikki daqiqalikda esa hisob 6:3 ko‘rinishiga keldi.

Uchinchi bo‘lim tugashiga bir daqiqa qolganida Guljonoy raqibning tanisiga aniq zarba berib, hisobdagi farqni 2 ochkoga oshirdi, ammo oradan yigirma soniya o‘tib, hakam vatandoshimizga ogohlantirish berdi. Hisob esa 8:4 ko‘rinishiga keldi.

Ushbu hisob jang oxirigacha o‘zgarmay qoldi va Guljonoy Tokio-2020 paralimpiya o‘yinlariga g‘olibiga aylandi.

Delegasiyamiz uchun mazkur medal Tokio-2020 paralimpiadasidagi so‘nggisi bo‘ldi va medallarimiz soni 19 taga yetdi: 8 ta oltin, 5 ta kumush, 6 ta bronza. Umumjamoa hisobida esa 16-pog‘onaga ko‘tarilib oldik.