Tez orada "Bavariya" UEFA Chempionlar Ligasining birinchi turini Kataloniyaning "Barselona" klubiga qarshi o‘tkazishi kerak, biroq "nemis mashinasi" ustozi Yulian Nagelsmanning aksariyat fikrlari prinsipial kurashga qaratilgan emas. Myunxenliklar uchun "Leypsig"ga qarshi Germaniya Bundesligasi doirasidagi uchrashuv muhimligini ta’kidladi. Lekin ispan klubiga qarshi to‘qnashuvda, nemis klubi bosh murabbiyi bo‘lajak raqibini holatini baholab, oxirgi mavsumda Lionel Messidan ayrilganiga qaramay, klubning afzalliklarini ko‘rsatib o‘tdi.

"Haqiqatan ham buyuk futbolchi "Barselona"ni tark etdi, u yillar davomida muxlislar
ishonchini qozondi va o‘z klub tarixida iz qoldirdi. Messi maydonda ham, tashqarida ham, kiyinish xonasida ham klub a’zolarina katta ta’sir ko‘rsatardi. Shuningdek, tashkiliy qarorlar uchun mas’ul edi, bu meni o‘ylashga majbur qiladi. Hozirda "Barselona" ancha oldingiga qaraganda zaiflashib qolgan. U o‘yinlarni yolg‘iz o‘zi hal qila olardi, shuning uchun har qanday jamoa Messi bo‘lmagan uchrashuvlarda nisbatan erkinroq o‘ynagan.
Kelgusi haftada "Barselona"ga qarshi o‘yinni orziqib kutamiz. Ammo, bu biz uchun muhim bahs emas. Sababi, klubim "Leypsig"ga qarshi bahsga puxta tayyorlanishi kerak. Biz chiroyli shaharda va chiroyli stadionda o‘ynaymiz. Ajoyib an’analari va jonkuyar muxlislari bo‘lgan ikkita jamoa bir-biriga qarshi o‘ynaydi. Biroq, shuni ham ta’kidlashimiz kerakki, Messi egallagan pozisiyalarni o‘ynaydigan iqtidorli futbolchilar "Barsa"da yetarlicha bor. Shuning uchun bu bahsga ham alohida e’tibor qaratamiz", - deya xulosa qildi nemis murabbiyi.


Eslatib o‘tamiz, "Barselona" - "Bavariya" uchrashuvi 14 sentyabr kuni bo‘lib o‘tadi.