Тез орада "Бавария" УЕФА Чемпионлар Лигасининг биринчи турини Каталониянинг "Барселона" клубига қарши ўтказиши керак, бироқ "немис машинаси" устози Юлиан Нагелсманнинг аксарият фикрлари принципиал курашга қаратилган эмас. Мюнхенликлар учун "Лейпциг"га қарши Германия Бундеслигаси доирасидаги учрашув муҳимлигини таъкидлади. Лекин испан клубига қарши тўқнашувда, немис клуби бош мураббийи бўлажак рақибини ҳолатини баҳолаб, охирги мавсумда Лионель Мессидан айрилганига қарамай, клубнинг афзалликларини кўрсатиб ўтди.

"Ҳақиқатан ҳам буюк футболчи "Барселона"ни тарк этди, у йиллар давомида мухлислар
ишончини қозонди ва ўз клуб тарихида из қолдирди. Месси майдонда ҳам, ташқарида ҳам, кийиниш хонасида ҳам клуб аъзоларина катта таъсир кўрсатарди. Шунингдек, ташкилий қарорлар учун масъул эди, бу мени ўйлашга мажбур қилади. Ҳозирда "Барселона" анча олдингига қараганда заифлашиб қолган. У ўйинларни ёлғиз ўзи ҳал қила оларди, шунинг учун ҳар қандай жамоа Месси бўлмаган учрашувларда нисбатан эркинроқ ўйнаган.
Келгуси ҳафтада "Барселона"га қарши ўйинни орзиқиб кутамиз. Аммо, бу биз учун муҳим баҳс эмас. Сабаби, клубим "Лейпциг"га қарши баҳсга пухта тайёрланиши керак. Биз чиройли шаҳарда ва чиройли стадионда ўйнаймиз. Ажойиб анъаналари ва жонкуяр мухлислари бўлган иккита жамоа бир-бирига қарши ўйнайди. Бироқ, шуни ҳам таъкидлашимиз керакки, Месси эгаллаган позицияларни ўйнайдиган иқтидорли футболчилар "Барса"да етарлича бор. Шунинг учун бу баҳсга ҳам алоҳида эътибор қаратамиз", - дея хулоса қилди немис мураббийи.


Эслатиб ўтамиз, "Барселона" - "Бавария" учрашуви 14 сентябр куни бўлиб ўтади.