"MYU" ustozi Ole-Gunnar Sulsher jamoaning penalti tepuvchi futbolchisi kim bo‘lishi mumkinligi haqida fikr bildirib o‘tdi. U jurnalistlardan Ronaldu yoki Fernandesh degan savol berilganda quyidagicha javob berdi:

"Men bu savol berilishini avvaldan bilar edim. Albatta bu haqda har ikki futbolchi bilan suhbat o‘tkazdim. Bizda hozir penalti zarbasini aniq ijro etuvchi ikkita futbolchi mavjud. Bu yerda hammasi mening qarorlarimga bog‘liq bo‘ladi. Har ikkala futbolchi ham so‘rashganida 11 metrlik to‘pni olishi mumkin. Bizda Krishtianu, Bruno hamda Markus kabi ishonarli futbolchilar bor. Men hammasiga imkon beraman. Ular bu borada men qaror qabul qilishimni biladi. Biz bir jamoamiz va  o‘yinda bunday narsalarni ko‘p ham ahamiyati bor deb o‘ylamayman. Penaltilarni qaysi o‘yinda kim tepishini esa o‘zim hal qilaman".