"Barselona" klubi o‘z yetakchisi Martin Brayveytdan "Bavariya"ga qarshi bahsda foydalana olmaydi. "AS" nashri bergan xabarga ko‘ra, futbolchi to‘piq sohasidan jiddiy jarohat olgan.

Shu sabab futbolchi bir necha hafta maydonga tusha olmaydi. Martinni "Xetafe"ga qarshi xalqaro tanaffusdan oldingi bahsda jarohat olgani aytilgan. U mana shu jarohat ortidan Daniya terma jamoasiga saralash bahslarida ham yordam bera olmadi.

Braytveyt yangi mavsumda katalon klubining to‘purariga aylangan. Uning hisobida shu paytgacha 3 ta o‘yinda 2 ta gol bor. Xabarda aytilishicha, "Barsa" tarkibidagi bir qator futbolchilar, jumladan, Fati, Dembele, Aguyero hamda Destlarda ham bir qator muammolar mavjud.