«Real» oradan 560 kun o‘tib «Santyago Bernabeu»ga qaytmoqda. «Madrid» murabbiylar shtabi «Selta»ga qarshi o‘yin uchun 23 nafar futbolchini qaydnomaga kiritdi.
Jarohatidan sog‘aygan Ferlan Mendi ilk marta kengaytirilgan tarkibdan o‘rin olgan bo‘lsa, jamoaning yangi futbolchisi Eduardo Kamavinga qaydnomaga kiritildi.
Bugungi bahsda Devid Alaba, Luka Yovich, Garet Beyl, Toni Kroos va Dani Sebalyos turli sabablarga ko‘ra jamoaga yordam bera olishmaydi.
«Real Madrid»ning «Selta»ga qarshi kengaytirilgan tarkibi:
Darvozabonlar: Tibo Kurtua, Andrey Lunin, Luis Lopes.
Himoyachilar: Dani Karvaxal, Eder Militao, Xesus Valyexo, Nacho Fernandes, Marselo, Ferlan Mendi, Migel Gutyerres.
Yarim himoyachilar: Luka Modrich, Kazemiro, Federiko Valverde, Lukas Vaskes, Isko, Eduardo Kamavinga, Antonio Blanko.
Hujumchilar: Eden Azar, Karim Benzema, Marko Asensio, Vinisius Junior, Rodrigo Goes, Mariano Dias.
Ma’lumot o‘rnida. «Real» – «Selta» uchrashuvi bugun Toshkent vaqti bilan 00:00da boshlanadi.
