"Manchester Yunayted" va Angliya terma jamoalari sobiq himoyachisi Gari Nevill Krishtianu Ronaldu va Lionel Messini o‘zaro taqqosladi.

"Ronaldu faoliyati davomida gollarni qay tariqa urayotganini ko‘rdim. U "ishchi" bo‘lmagan chap oyoqda ham, o‘ng oyoqda ham, olis masofadan ham gol urishi mumkin. Hozirda u pozisiya tanlash bo‘yicha jahonning eng yaxshi futbolchisi.

U penaltidan gol uradi, agar to‘p jarima maydoniga yetkazilsa, bosh bilan to‘pni darvozaga joylaydi. U jarima zarbasidan ham gol urishi mumkin.

Shu bois, Ronaldu haqiqatan ham futbol tarixidagi eng buyuk futbolchi. U turli uslublar bilan bahsni o‘z foydasiga hal qilishi mumkin. U mukammal o‘yinchi.

Shubhasiz, Messi ham haddan tashqari ko‘p gol urdi, unga ham gap yo‘q. Ammo Ronalduda 3ta katta farq bor. Birinchisi — bosh bilan gol uradi. Bunday uslubda u Messiga nisbatan 4-5 baravar ko‘proq gol urgan. Ikkinchisi — Krishtianu "ishchi" bo‘lmagan oyog‘ida gol ura oladi. U bunday uslubda Leoga nisbatan 30-40 foizga ko‘proq to‘p kiritgan. Uchinchisi — penaltidan ko‘p gol urgan. Bu esa Ronaldu nisbatan mukammal o‘yinchi ekanini anglatadi.

Terma jamoadagi gollar, Chempionlar ligasidagi g‘alabalar soni shunday xulosaga undaydiki, Ronaldu — futbol tarixidagi eng buyuk futbolchi", – dedi Nevill.