"Chelsi" klubi ustozi Tomas Tuxel nima uchun Ben Chilvellni maydonga kam tushirayotganiga izoh berdi. Chilvell o‘tgan mavsumda jamoaning eng asosiy futbolchisiga aylantirilgan edi.
U 27 marta asosiy tarkibda maydonga tashlangan. Tuxel Chilvell haqida shunday fikrlarni bildirib o‘tdi:
"U YECHL finalida ajoyib o‘yin ko‘rsatdi, 90 daqiqa top darajada o‘ynadi. Hatto, Ben mavsum so‘ngida ham yaxshi formada ekanini namoyish etdi. Yevrodan charchab qaytgan futbolchini qiynashni istamadim. U jamoaga qaytganda aqliy toliqqanini sezdim. Shu sabab unga bir oygacha dam olishga ruxsat berdim. Uning o‘rniga Markos o‘ynayapti. Chunki u to‘la mavsumoldi mashg‘ulotlarida qatnashdi. U har bir harakatimizda bor edi. Shu sabab Alonso varianti hozir yaxshiroq. Lekin tez orada Chilvell ham o‘z vaqtiga ega bo‘ladi".
London klubi Chempionlar ligasi doirasida Peterburgning "Zenit" jamoasiga qarshi o‘yin o‘tkazadi.
