"Челси" клуби устози Томас Тухель нима учун Бен Чилвеллни майдонга кам туширайотганига изоҳ берди. Чилвелл ўтган мавсумда жамоанинг энг асосий футболчисига айлантирилган эди.

У 27 марта асосий таркибда майдонга ташланган. Тухель Чилвелл ҳақида шундай фикрларни билдириб ўтди:

"У ЕЧЛ финалида ажойиб ўйин кўрсатди, 90 дақиқа топ даражада ўйнади. Ҳатто, Бен мавсум сўнгида ҳам яхши формада эканини намойиш этди. Евродан чарчаб қайтган футболчини қийнашни истамадим. У жамоага қайтганда ақлий толиққанини сездим. Шу сабаб унга бир ойгача дам олишга рухсат бердим. Унинг ўрнига Маркос ўйнаяпти. Чунки у тўла мавсумолди машғулотларида қатнашди. У ҳар бир ҳаракатимизда бор эди. Шу сабаб Алонсо варианти ҳозир яхшироқ. Лекин тез орада Чилвелл ҳам ўз вақтига эга бўлади".

Лондон клуби Чемпионлар лигаси доирасида Петербургнинг "Зенит" жамоасига қарши ўйин ўтказади.