"Vest Xem" klubi bosh murabbiyi Devid Moyes "MYU" ustozi Sulsherni qo‘lida titullar yutish uchun barcha narsa borligi va ular sovrinlar uchun kurashishini aytib o‘tdi. U bu haqda shunday deydi:
"Menimcha, "Manchester Yunayted" doimo kurashuvchan va sovrinlar yutishga, APLni yutishga harakat qiluvchi klubdir. Ularda yosh hamda tajribali futbolchilardan iborat yaxshi muvozanat mavjud. Ole jamoaga yaxshi yondoshgan va u yaxshi harakat qilmoqda. Katta klublarda siz o‘yinlarni iloji boricha ko‘proq yutishingiz kerak. O‘ylashimcha, "MYU"ning potensiali nafaqat APLni, balki yevrokuboklarni yutishga ham yetadi".
Eslatib o‘tamiz, bugun Moyes klubi o‘z uyida mankunyanliklarni mehmon qiladi.
