"Вест Хэм" клуби бош мураббийи Девид Мойес "МЮ" устози Сульшерни қўлида титуллар ютиш учун барча нарса борлиги ва улар совринлар учун курашишини айтиб ўтди. У бу ҳақда шундай дейди:
"Менимча, "Манчестер Юнайтед" доимо курашувчан ва совринлар ютишга, АПЛни ютишга ҳаракат қилувчи клубдир. Уларда ёш ҳамда тажрибали футболчилардан иборат яхши мувозанат мавжуд. Оле жамоага яхши ёндошган ва у яхши ҳаракат қилмоқда. Катта клубларда сиз ўйинларни иложи борича кўпроқ ютишингиз керак. Ўйлашимча, "МЮ"нинг потенциали нафақат АПЛни, балки еврокубокларни ютишга ҳам етади".
Эслатиб ўтамиз, бугун Моес клуби ўз уйида манкунянликларни меҳмон қилади.
