«Liverpul» bosh murabbiyi Yurgen Klopp hujumchi Sadio Maneni shaxsiy yutug‘i bilan tabrikladi.

Xabaringiz bor, kecha «Kristal Pelas» bilan bahsda Sadio mersisaydliklar safidagi o‘zining 100-golini urdi.

«Sadio «Liverpul»ning muvaffaqiyatiga katta hissa qo‘shdi. Ko‘p odamlar Manening 100-golini e’tirof qilishmoqda, lekin u hujumda ham, himoyada ham ko‘p mehnat qiladi.

100 gol - bu yana bir dovon va raqam, bundan boshqa muhim raqamlar ham bor, lekin Sadio bu ko‘rsatkichga yetib kelgani uning alohida klassini bildiradi.

Klub tarixida bunday futbolchilar bor-yo‘g‘i 18 ta edi. Hozirgi vaqtda ko‘plab futbolchilar u yoki bu jamoada muqim qolishmaydi, Men esa Mane bilan 5 yildan buyon ishlayotganimdan xursandman», — deydi Klopp.