Sobiq futbolchi Roy Kin «Tottenxem» - «Chelsi» o‘yini (0:3) haqida o‘z fikrlarini bildirdi.

Taniqli mutaxassis mezbonlarning bunday mas’uliyatsiz o‘yiniga bahona topmaslik kerak. Kinning so‘zlariga ko‘ra, futbolchilarni natija umuman qiziqtirmagan.

«Kecha yosh bolalarga qarshi kattalar o‘ynadi. Men «Tottenxem»ning nega bunchalik yomon harakat qilganiga ishonolmadim.

Ha, shunday kunlar borki, mag‘lubiyatga uchraysan. Biroq kecha yigitlarga shunchaki istak yetishmadi. Biz buni ikkinchi, uchinchi gollar urilganida ko‘rdik.

Bugun «shporlar»ga qaraganimda juda ham g‘azablandim, ularda hech qanday xohish yo‘q edi», - deydi veteran.