O‘zbekistonlik futbol muxlislari stadionlarga qaytishi mumkin.
Maxsus komissiya tomonidan bugundan boshlab ommaviy tadbirlarga ruxsat berildi. Respublika maxsus komissiyasining qaroriga ko‘ra, mamlakatimizda tomosha, madaniy-ko‘ngilochar (teatr, kinoteatr, konsert zallari), ommaviy tadbirlar va yig‘ilishlarni ochiq maydonlar hamda yopiq majmualarda o‘tkazishga ruxsat berildi.
Madaniy-ko‘ngilochar va ommaviy tadbirlarni o‘tkazish ob’ektlariga faqatgina koronavirusga qarshi vaksina bilan emlanganligi to‘g‘risidagi QR-kodli sertifikati mavjud bo‘lgan tashrif buyuruvchilarni kiritilishi (salomatligi bo‘yicha qarshi ko‘rsatmalar bo‘lgan fuqarolar bundan mustasno) tavsiya etildi.
