«Manchester Yunayted», «Tottenxem» va «Bayer» klublarining sobiq hujumchisi Dimitar Berbatov Bolgariya futbol federasiyasi prezidentligiga nomzod bo‘ldi, deb yozadi Bulgraian Football. Uning nomzodini yuqori divizionning bir nechta klublari qo‘llab-quvvatladi, jumladan SSKA Sofiya.
Federasiyaning amaldagi rahbari Borislav Mixaylov ham bu lavozimga da’vogarlik qiladi. Saylovlar 12 oktyabrda bo‘lib o‘tadi.
41 yoshli sobiq futbolchi o‘z kampaniyasi uchun «Inqilob bu erda» shiorini tanlagan. «Manchester Yunayted» tarkibida futbolchi ikki marta Angliya chempionati, Liga kubogi va mamlakat superkubogini qo‘lga kiritgan, shuningdek, bir marta klublar o‘rtasidagi jahon chempionatida g‘olib bo‘lgan.
