«Yuventus» Italiya chempionatining 5-turi doirasida «Spesiya» klubi mehmoni bo‘lib, juda qiyin g‘alabani qo‘lga kiritdi.

Turinliklar Moyze Kinning goli evaziga hisobni ochishgandi, ammo mezbonlar ikkita gol urib, oldinga o‘tib olishdi. Massimiliano Allegri jamoasi ikkinchi bo‘lim o‘rtalarida Federiko Kyeza va Matteys de Ligt gollari evaziga g‘alabani o‘z tomoniga og‘dirdi.

Shu tariqa, "keksa sinyora" mavsumdagi ilk g‘alabasini qo‘lga kiritdi. Bungacha «Yuve» «Empoli» (0:1) va «Napoli» (1:2)ga yutqazib, «Udineze» (2:2) va «Milan» (1:1) bilan durang o‘ynagan edi.

«Yuventus» keyingi turda «Sampdoriya» bilan to‘qnash keladi.

Italiya A seriyasi, 5-tur
Spesiya – Yuventus 2:3 (1:1, 1:2)
Gollar: 0:1 – 28 Kin, 1:1 – 33 Jasi, 2:1 – 49 Antist, 2:2 – 66 Kyeza, 2:3 – 72 de Ligt.
Spesiya – Zut, Amyan, Nikolau, Xristov, Bastoni, Ferrer, Burabiya (Sala, 77), MaJore (Salsedo, 85), Jasi, Verde (Manay, 77), Antist (Nzola, 77).
Yuventus – Shchensni, Danilo, Bonuchchi, de Ligt, De Shilyo (Aleks Sandro, 46), Rabyo (Bernardeski, 67), Bentankur (Lokatelli, 46), Makkenni, Kyeza (Kulusevski, 84), Dibala, Kin (Morata, 59).
Ogohlantirishlar: Nikolau (85), Morata (90), Nzola (90).