Italiya A Seriyasining 5-turidan o‘rin olgan bir qator o‘yinlar 22 sentyabr, chorshanba kuni bo‘lib o‘tdi.
«Milan» o‘z maydonida «Venesiya»ni qabul qilib ishonchli g‘alabani qo‘lga kiritdi. Milanliklar safida Brahim Dias va Teo Ernandes o‘z nomiga gol yozdirib qo‘ydi.
G‘alabadan so‘ng ochkolari 13 taga yetgan Stefano Pioli shogirdlari musobaqa peshqadami «Inter» bilan bir xil ochkoga ega, jamoa faqat to‘plar nisbati evazigagina ikkinchi pog‘onani egallab turibdi.
A seriya, 5-tur
«Milan» – «Venesiya» 2:0
Gollar: 1:0 – 68 Brahim Dias, 2:0 – 82 Ernandes.
«Milan» – Menyan, Kalulu, Romanyoli, Gabbiya (Tomori, 59), Ballo-Ture (Ernandes, 59), Florensi (Salemakers, 59), Bennaser, Tonali, Rebich (Pellegri, 74), Rafael Leau, Brahim Dias (Kessie, 81).
«Venesiya» – Myayenpyaa, Ebuexi (Massokki, 74), Kaldara, Chekkaroni, Molinaro, Vakka (Tessmann, 81), Peres (Chrnigoy, 53), Buzio, Forte (Anri, 53), Aramu, Yunsen (Okereke, 74).
Ogohlantirishlar: Forte (25), Kaldara (77).
