«Chelsi» hujumchisi Romelu Lukaku irqiy kamsitishlarga qarshi kurashishda yana boshqa yo‘llarni izlab topish kerakligini ta’kidlamoqda.
«Menimcha, bizda rasizmga qarshi yanada samarali choralar ishlab chiqish uchun imkoniyatlar yetarli. Bizni tiz cho‘kkan paytimiz butun stadion olqishlaydi, lekin o‘yindan keyin yana eski og‘riqlar boshlanadi, haqoratlar kamaymaydi», - deydi Lukaku.
Belgiyalik futbolchi Premyer-liga klublarining bunga javobgar ayrim idoralari vakillari bilan uchrashib, mavjud muammoni yana bir bor muhokama qilishni taklif qildi.
Eslatib o‘tamiz, Lukaku 2021/2022 yilgi mavsumdan «Chelsi»ga qaytdi. 28 yoshli futbolchi «ko‘klar» safida 6 ta o‘yinda 4 ta gol urdi.
