«Челси» ҳужумчиси Ромелу Лукаку ирқий камситишларга қарши курашишда яна бошқа йўлларни излаб топиш кераклигини таъкидламоқда.

«Менимча, бизда рацизмга қарши янада самарали чоралар ишлаб чиқиш учун имкониятлар етарли. Бизни тиз чўккан пайтимиз бутун стадион олқишлайди, лекин ўйиндан кейин яна эски оғриқлар бошланади, ҳақоратлар камаймайди», - дейди Лукаку.

Бельгиялик футболчи Премьер-лига клубларининг бунга жавобгар айрим идоралари вакиллари билан учрашиб, мавжуд муаммони яна бир бор муҳокама қилишни таклиф қилди.

Эслатиб ўтамиз, Лукаку 2021/2022 йилги мавсумдан «Челси»га қайтди. 28 ёшли футболчи «кўклар» сафида 6 та ўйинда 4 та гол урди.