"MYU" futbolchisi Xuan Mata o‘ziga o‘yin vaqti deyarli taqdim etilmayotgani sabab klub bilan xayrlashishi mumkin. 33 yoshli futbolchi "Vest Xem"ga qarshi liga kubogi bahsida maydonga tushirilgan edi.
Mag‘lubiyatga uchralgan o‘yinda u 62 daqiqada almashtirilgan. Mata kelasi yili aprel oyida 34 ga to‘ladi va u iyun oyida erkin agentga aylanadi. Shu sabab yanvardagi oynada futbolchi o‘ziga yangi klub qidirishi aytilgan.
Xuan bu mavsum har bir o‘yinda kengaytirilgan tarkibga kiritilmoqda, ammo maydonga tushirilmayapti. Mata 2014 yilda "Chelsi"dan 37,1 million funtga sotib olingan edi. Futbolchi 7 yil davomida 274 ta uchrashuvda maydonga tushib, 51 ta golga mualliflik qilgan.
