Kecha Kataloniyaning «Barselona» klubi safarda «Benfika»ga yirik hisobda imkoniyatni boy berdi (0:3). Taniqli jurnalist Davron Fayziyev qiziqarli statistikani taqdim etdi.
«Barselona» o‘z tarixida faqat ikki marta yevrokuboklarni ikki mag‘lubiyat bilan boshlagan. 1972 va 2021 yillar. O‘shanda «Portu» ikkinchi mag‘lubiyatni taqdim etgan bo‘lsa, bu safar Portugaliyaning «Benfika» jamoasi. Ikkita o‘yinda ketma-ket 0:3 mag‘lubiyat balki birinchi bor. Hammasiga Kuman aybdor deysizmi? Shoshmang, biz bilmagan taraflari ko‘p. Ochiladi vaqti kelib. Kuman esa «Barsa»ning eng murakkab davrida ishlagan murabbiy sifatida tarixda qoladi. Ha, endi u ketadi», – deydi Davron Fayziyev telegramdagi kanalida.
