Kecha «Real Madrid»ning sobiq futbolchisi Guti ispan jurnalistlari bilan suhbatda, agar uni «Barselona»ga taklif qilishsa, uni boshqarishga tayyorligini haqida xabarlar tarqalgan edi.
Biroq, bugun Guti bu mish-mishlarga rad javobini berdi.
«Men hayotimda hech qachon «Barselona»da murabbiy bo‘lib ishlamagan bo‘lardim. Sababi, u yer juda ham tartibsiz. Aksincha, ularning mag‘lubiyatini kuzatish men uchun baxt»,- deya «qaymoqraglilar» sobiq futbolchining so‘zlarini keltiradi El Larguero nashri.
Ta’kidlash joizki, Gutining murabbiylik faoliyatidagi oxirgi jamoasi «Almeriya» bo‘lib, mutaxassis u yerni 2019/20 yilgi mavsum oxirida tark etdi.
