«MYU» sobiq himoyachisi Rio Ferdinand «Everton»ga qarshi o‘yinda (1:1) Ronalduni zaxirada qoldirgan Sulsherni tanqid qildi.
«Krishtianu 5 o‘yinda 5 ta gol urdi. U ajoyib sport formasida. Eng yaxshi to‘purarni asosiy tarkibdan olib, zaxirada shunchaki ushlab turganliklarini hech ko‘rganmisiz?
Aytaylik, Harri Keyn «Tottenhem»da 5ta gol urib, zaxirada qoldirilganmi? Yoki Aguero? «Manchester Yunayted»ning seshanba yoki chorshanba kuni yana o‘yini bo‘lsa, murabbiyning bu qarorini tushunish mumkin edi.
Ammo o‘yin yo‘q edi va Krishtianu Portugaliya safiga Qatar va Lyuksemburg bilan o‘yinlar uchun borayotgandi. U biroz dam olish uchun ham bu o‘yinlarni o‘tkazib yuborsa, hech narsa bo‘lmaydi. «Everton»ga qarshi uchrashuvda uni asosiy tarkibda kutgandim», - deydi Ferdinand.
