«Chelsi» klubi sobiq hujumchisi Kris Satton «Manchester Yunayted» hujumchi Krishtianu Ronaldu tufayli muammolarga duch kelishi mumkinligini aytdi.

– Siz «Manchester Yunayted»ni chepmpionlik poygasidan chiqarib yubordingiz. Nima uchun, Kristofer?
– Eng asosiy sabab shundaki, «Manchester Siti», «Chelsi» va «Liverpul»ning tarkibi kuchliroq. Bu jamoalarning zaxira o‘rindig‘i ham "uzun". Ammo, o‘ylashimcha, Ole-Gunnar Sulsher yaxshi transfer kampaniyasini o‘tkazdi. Ammo, Ronaldu «Manchester Yunayted» uchun muammo tug‘diradi.

U juda va juda ahamiyatli shaxs. U jamoa bilan shartnoma imzolagan paytdayoq uning jamoaga foydasi tegishiga shubha bilan qaragandim. Bu transfer borasida kuchli ajiotaj yuzaga kelgan. Bularning barchasini tushunaman, biroq portugaliyalik futbolchi Ole-Gunnar Sulsher uchun muammo tug‘diradi.

Agar «Manchester Yunayted» o‘z uyida tajovuzkor o‘yin ko‘rsatsa, pressing namoyish etsa, Ronaldu gollar uradi. Agar Krishtianu pressingda ishtirok etmasa, «MYU» bir kishi kam bo‘lib o‘ynaydi.

Agar futbolchi pressingda ishtirok etmasa, yugurmasa, «Manchester Siti»da o‘ynamaydi. Xuddi shunday — yugurmagan va pressingda ishtirok etmagan o‘yinchi «Chelsi» va «Liverpul»da o‘ynamaydi.

Muammo shundaki, Ronaldu qanday qilib jamoa o‘yiniga qo‘shish mumkin? Uning o‘yini kayfiyatga bog‘liq. Shanba kuni shunday muammo kuzatildi. Gari Nevill shunga o‘xshash fikrni aytganda, futbolchining kayfiyati tushib ketdi. Ronalduga qaratilgan yuqori e’tibor ham — yana bir muammo. Agar Ronalduning kayfiyati bo‘lmasa, bu ham jamoadagi muhitga ta’sir qilishi mumkinmi?

Shu bois, Krishtianu «Yunayted» uchun katta muammo bo‘ladi, deb hisoblayman», – dedi Satton.